ബ്ലോഗ്‌ അവലോകനം - ദേശാന്തര വർണ്ണ മനോഹരകാഴ്ചകൾ

(ഇ-മഷി ജനുവരി 2016 ലക്കത്തിൽ പ്രസിദ്ധീകരിച്ചത്) 

ബ്ലോഗ്‌:ദേശാന്തര കാഴ്ചകൾ 

ബ്ലോഗ്ഗർ: മുബീൻ ഹുസൈൻ 

                       വായനയെയും യാത്രയെയും വല്ലാതെ സന്നിവേശിപ്പിച്ചു ഒരുക്കിയിരിക്കുന്ന ബ്ലോഗാണ് ഫാത്തിമാ മുബീൻ നൽകുന്ന  ദേശാന്തര കാഴ്ചകൾ. ജീവിതം തന്നെ ഒരു യാത്ര ആണല്ലോ. ആ ജീവിതത്തെ അടയാളപ്പെടുത്തുക തന്നെ ആണ് എഴുത്തിന്റെ ധർമ്മം. അത് കൊണ്ട് തന്നെ ഇതിലെ യാത്രാവിവരണങ്ങൾ  കേവല യാത്രയുടെ വിശദാംശങ്ങൾ അല്ല. കാണുന്ന കാഴ്ചകളും കേൾവികളും ജീവിതത്തോട് ബന്ധപ്പെടുത്തി അവതരിപ്പിക്കുകയാണ് അടുത്തിടെ യാത്രാ പുസ്തകങ്ങളിൽ. അത്തരം ഒന്ന് ഈയിടെ നിർവഹിച്ച പശ്ചാത്തലത്തിലാണ് മുബിയുടെ ബ്ലോഗ്‌ സന്ദർശിക്കുന്നത്.

പുസ്തക പരിചയം - മുസ്രീസിലൂടെ - നിരക്ഷരൻ

പുസ്തക പരിചയം 

മുസ് രീസിലൂടെ

നിരക്ഷരൻ

യാത്രാ വിവരണം

മെന്റർ ബുക്സ്, തൃശ്ശൂർ

പേജുകൾ 172 വില: 550 രൂ.

(ഇന്ത്യയിലെ ആദ്യത്തെ ഓഗ്മെന്റഡു്  റിയാലിറ്റി പുസ്തകം )

(2016 ഫെബ്രുവരിയിലെ വിജ്ഞാന കൈരളി(കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരണം)  യിൽ വന്നത്) 

2015 ലെ പുസ്തക വായന

2015 ലെ പുസ്തക വായന 
==============

പതിവ് പോലെ ഓഫീസിലേക്കും തിരികെയും ഉള്ള ട്രെയിൻ യാത്രക്കിടെ തന്നെ ഏറെ വായനയും. വായന തീരെ നടക്കാത്ത ദിവസങ്ങൾ കുറവായിരുന്നു. 166 പുസ്തകങ്ങൾ, 22,700+ പേജുകൾ വായിച്ചു. 365 ദിനങ്ങളിൽ 300 മാത്രം കൂട്ടി പ്രതി ദിനം 100 വച്ചായാലും 30,000 പേജുകൾ വായിക്കാം; അത് നടന്നില്ല. മൈഗ്രൈൻ ഇടയ്ക്കിടെ വിഷമിപ്പിച്ചു. മെയ്‌ 26 നു പിതാവ് മരിച്ചതിനോട് ചേർന്ന് കുറെ ദിനങ്ങൾ വായനക്ക് കഴിഞ്ഞില്ല. അതുകൊണ്ട് ഇനിയും ടാർഗറ്റ് നേടിയില്ല. കൂടാതെ ആനുകാലിക പ്രസിധീകരണങ്ങളും ഓണ പതിപ്പുകളും വായിക്കാനും സമയം വേണം. അടുത്ത വർഷം ഇതിലും കൂട്ടണം എന്നാണ് ആഗ്രഹം.