ഉള്ളില്‍ ഉള്ളത് - സി രാധാകൃഷ്ണന്‍
തലച്ചോറിന്റെ ഉള്ളില്‍ ഉള്ളതിനെപ്പറ്റി നേരത്തെ എഴുതപ്പെട്ട ഈ കൃതി
വായിക്കാന്‍ ഇത്ര വൈകിയതെന്തേ എന്നാണ് ആദ്യം തോന്നിയത്. ഒത്തിരി
നാളുകള്‍ക്കു ശേഷം ഒറ്റയിരിപ്പിനു വായിച്ചു തീര്‍ത്ത കൃതി. നാനൂറില്‍ പരം
പേജുകള്‍. സയന്‍സും വിവര സംകേതിക വിദ്യയും രാഷ്ട്രീയവും ഇതില്‍ സമഞ്ജസമായി ചേരുന്നു. ഭഗവത് ഗീതയുടെ സ്വാധീനവും ചേരുവയാകുന്നു. സി രാധാകൃഷ്ണന്റെ
അനിതര സാധാരണമായ വാക്കുകളുടെ ഭംഗി എന്നെ മുന്‍പും
വിസ്മയിപ്പിച്ചിട്ടുണ്ട്‌. ആദ്യന്തം ഉല്‍ കന്ടയുടെ മുള്‍മുനയില്‍
വായനക്കാരെ നിര്‍ത്തുന്നത് മാത്രമാണോ ഇതിന്റെ സവിശേഷത ? അതോ സയന്‍സ് ന്റെ
ജനകീയ മുഖത്തെയും ഭീകര മുഖത്തെയും താരതമ്യം ചെയ്യുന്നതോ? നിരീക്ഷണങ്ങളും
രേഖപ്പെടുത്തി സൂക്ഷിക്കേണ്ട വാചകങ്ങളും അടങ്ങിയ ഉദാത്ത കൃതി.
ആത്മ തീര്‍ഥങ്ങളില്‍ മുങ്ങി നിവര്‍ന്നു - ഡോ ഖദീജ മുംതാസ്
ഭിഷഗ്വര ആയ എഴുത്തുകാരിയുടെ ആദ്യ കൃതി. പ്ലസ്‌ ടു വിദ്യാര്‍ഥി ആയ മകന്റെ
തൂലികാ സുഹൃത്തായ ശരത് പതിയെ പതിയെ തനിക്കു പുത്ര തുല്യന്‍ ആകുന്നതും
മനസ്സില്‍ കുടിയിരിക്കുന്നതും മാതാവായ ഡോക്ടര്‍ അറിയുന്നു. ശരത് പറയുന്ന
കഥകള്‍ വല്ലാതെ നൊമ്പരപ്പെടുതുന്നതും കരള്‍ പിളര്ക്കുന്നതും.. ഒടുവില്‍ അതേ
ശരത് ഒരു പ്രഹേളിക ആവുന്നതും ഡോക്ടര്‍ അറിയുന്നു.. അപ്രത്യക്ഷനായ ശരത്തിനെ
തേടി നമ്മുടെ മിഴികളും...
അതിരുകള്‍ കടക്കുന്നവര്‍ - സി രാധാകൃഷ്ണന്‍
പ്രകൃതിയോടു ഇണങ്ങി ജീവിക്കുന്ന ഉണ്ണി എന്ന സാധാരണക്കാരന്റെ കഥ പറയുന്നു.
പുതു പണക്കാര്‍ പഴയവക്കൊക്കെ വില പേശുന്ന കാലം.. വീടും മരവുമൊക്കെ വിട്ടു
ദൂരെ നഗരത്തില്‍ സുഖായി കഴിയാന്‍ ക്ഷണിച്ചവരോട് " ഇവിടെ എനിക്ക് പരമ സുഖം"
എന്ന് പ്രതികരിക്കുന്ന ഉണ്ണി മനസ്സില്‍ നില്‍ക്കുന്നു
വിരല്‍ സ്പര്‍ശം - സി പിന്റോ
അജയന്‍ എന്ന ഗുമസ്തന്‍ നമ്മില്‍ നൊമ്പരം ഉണര്‍ത്തുന്നു.. നിസ്സഹായയായ
നിര്‍മലയും.. ഒട്ടേറെ എഴുത്തുകാര്‍ പറഞ്ഞ സാധാരണക്കാരുടെ കഥ. ഇതൊക്കെ
വീണ്ടും പറഞ്ഞും ചൊല്ലിയും ഇരുന്നില്ലേല്‍ നമ്മിലെ സാധാരണക്കാരന്‍ മരിച്ചു
പോകും അതിനാല്‍ ഇത്തരം കഥകള്‍ തുടരട്ടെ..
നഗ്നനായ തമ്പുരാന്‍ - എം മുകുന്ദന്‍
ഒരു ചെറു നോവല്‍. സാധരണ മുകുന്ദന്‍ ശൈലിയില്‍ നിന്ന് വ്യത്യസ്തം. സാമൂഹ്യ
മൂല്യങ്ങളോ വിമര്‍ശങ്ങലോ ഇല്ല.. രസിക്കാനായി ഇത്തരം കഥകളും വേണ്ടേ?
ഞങ്ങള്‍ അടിമകള്‍ - സേതു
നമ്മുടെ പരമ്പരാഗത സങ്കല്പങ്ങളും വിശ്വാസങ്ങളും അവക്കടിമയായ ജനതയും
എക്കാലവും എഴുത്തിനു വിഷയമായിട്ടുണ്ട്. ഭര്ത്താവ് കുല ദേവതയുടെ അടിമ എന്ന്
സ്വയം അവകാശപ്പെടുമ്പോള്‍ ഭാര്യ അനുഭവിക്കുന്നതെന്തെന്നു ഊഹിക്കാമല്ലോ?
കഥയുടെ ഗതി വിഗതികള്‍ ഈ വിശ്വാസത്തെ ആധാരമാക്കി നീങ്ങുന്നു.
തടാക തീരത്ത് - ഇ ഹരി കുമാര്‍
കല്കത്തയുടെ പശ്ചാത്തലത്തില്‍ പ്രണയവും രതിയും ചേര്‍ത്ത് എഴുതിയ നോവല്‍.
തികഞ്ഞ ഗ്രമീനനായ രമേശന്‍ നഗരത്തിലെതുന്നതും നഗരം പതുക്കെ അയാളെ
വിഴുങ്ങുന്നതും പ്രമേയം.
അഗ്നിയെ ചുംബിച്ച ചിത്രശലഭം - സി പിന്റോ
ജീവിതം ആണല്ലോ കഥകളുടെ ഉറവിടം. ശലഭത്തിന്റെ ജീവിതം നമ്മുടെ മുന്‍പില്‍
നേര്‍ കാഴ്ചയാണ്. വിളക്കില്‍ വെളിച്ചം തേടി അണഞ്ഞു എരിഞ്ഞടങ്ങുന്ന ജീവിതം.
മര്‍ത്യ ജീവിതവും വ്യത്യസ്തമല്ല. അത്തരം ഒരു ജീവിത കഥ എവിടെ പകര്‍ത്തുന്നു.
കല്‍ താമര - ജോര്‍ജ് ഓണക്കൂര്‍
അമ്മയും മകനും തമ്മിലുള്ള ഹൃദയ ഹാരിയായ ബന്ധം പറയുന്ന നോവല്‍. അമ്മ
പെറ്റമ്മ അല്ലെന്നും പോറ്റമ്മ ആണെന്നും ഒടുവില്‍ തിരിച്ചരി യുംബോഴും ആ
ബന്ധത്തിനു ഇളക്കം തട്ടുന്നില്ല. ബന്ധങ്ങളെ പറ്റിയും നാം
ആവര്‍ത്തിക്കണം.അഭിശപ്തമായ ഈ കാലഘട്ടത്തില്‍ ഇതൊക്കെ ഉണര്‍ത്തുകയും
ഓര്‍ക്കുകയും ചെയ്യേണ്ടതാണ്.
ബഹു വചനം - എന്‍ പ്രഭാകരന്‍
ഒരാള്‍ അയാളെ തന്നെ മറന്നു പോകുന്ന അവസ്ഥയെപ്പറ്റി എഴുതപ്പെട്ട നോവല്‍.
ഒടുവില്‍ പുതു ജീവിതം ആവര്‍ത്തിക്കുന്നു (Ctrl-Alt-Del കൊടുത്തു ജീവിതം
ഒന്നേ എന്ന് തുടങ്ങുന്നത് ഒന്നോര്‍ത്തു നോക്കൂ.) എന്നിട്ടും കുറെ കഴിഞ്ഞു
'പൂരവാശ്രമം' അയാള്‍ക്ക് ഓര്‍മ്മ വരുന്നു. തുടര്‍ന്നുള്ള പുകിലുകള്‍ ഇതിനെ
രസകരമാക്കുന്നു.
പുറമ്പോക്ക് - ഇ വാസു
അതേ..പുറമ്പോക്ക് കാരുടെ ജീവിത കഥ. വായന സുഖം നല്‍കുന്നില്ല. പക്ഷെ ശ്രദ്ധേയമായ പ്രമേയം.
അന്‍വരികള്‍ വായിച്ചു.ഈ വായനാക്കുറിപ്പുകള്‍ കൂടുതല്‍ പേരിലേക്ക് പുസ്തകങ്ങളെയും വായനയെയും എത്തിക്കട്ടെ.
ReplyDeleteആശംസകള്‍ .
ഈ ശ്രമം ശ്ലാഘനീയം തന്നെ.
ReplyDeleteകുറിപ്പുകൾ കുറച്ചുകൂടി വിപുലീകരിച്ചാൽ നന്നായിരിക്കും.
ഭാവുകങ്ങൾ
@ cheera
ReplyDeleteനന്ദി ......... കുറച്ചു കൂടി വിപുലീകരിക്കണം എന്ന് കരുതുന്നു .... നീണ്ടു പോയാല്‍ ചില വായനക്കാര്‍ക്ക്‌ പ്രയാസമാകുമോ ..
@ susmesh
നന്ദി... .. വായനയെ ഉണര്‍ത്താന്‍ കഴിഞ്ഞാല്‍...അതൊരു ധന്യത തന്നെ
വളരെ വളരെ നല്ല കാര്യം. നമ്മള്‍ ശ്രദ്ധിക്കാതെ പോകുന്ന പല പുസ്തകങ്ങളേയും പറ്റിയുള്ള കുറിപ്പുകള്‍ വായനക്കാരിലേക്ക് എത്തിക്കുന്ന ഈ സംരംഭത്തിന് എല്ലാവിധ ആശംസകളും നേരുന്നു...
ReplyDeleteകുറിപ്പുകള്‍ വിപുലീകരിക്കുമ്പോള്‍ കഥ, നോവല്‍ എന്നിവയെ പറ്റി ഇതുപോലെ തന്നെ തുടരുന്നതാവും നല്ലതെന്ന് തോന്നുന്നു, അല്ലെങ്കില്‍ അത് വായനയുടെ രസം കളയില്ലേ എന്നൊരു സംശയം!!
താങ്കളുടെ ഓരോ വായനാക്കുറിപ്പും, കുറച്ചുകൂടി വിപുലമാക്കി ഓരോ പുസ്തകപരിചയമാക്കാമായിരുന്നു എന്നൊരു അഭിപ്രായം തോന്നി.......
ReplyDeleteബ്ലോഗിലെ വായനക്കൂട്ടായ്മക്ക് ഒരു മുതല്‍ക്കൂട്ടാണ് ഈ പോസ്റ്റ്‌. എന്നിട്ടും ആരും ഇത് വായിച്ചിട്ടില്ലാ എന്നത് ഓര്‍ത്തു അത്ഭുതപ്പെടുന്നു...! അന്‍വര്‍ഇക്കാ തുടരൂ ..!
ReplyDeleteഅന്‍വരികള്‍ വായിച്ചു.ഈ വായനാക്കുറിപ്പുകള്‍ കൂടുതല്‍ പേരിലേക്ക് പുസ്തകങ്ങളെയും വായനയെയും എത്തിക്കട്ടെ.
ReplyDeleteആശംസകള്‍ .www.hrdyam.blogspot.com